Oktyabrın 3-də Bakıda peşəkar boks gecəsi keçiriləcək. Bu barədə apasport.az saytına Azərbaycan Peşəkar Boks Federasiyasının (APBF) prezidenti Zahid Əliyev məlumat verib. Onun sözlərinə görə, gecədə 8 döyüş baş tutacaq. Bunlardan 4-ü reytinq, 2-i “Dünya kəməri”, 1-i gənclər arasında “Dünya kəməri”, 1-i isə “Beynəlxalq kəmər” uğrunda olacaq.

Əliyev bildirib ki, oktyabrın 3-də ən maraqlı döyüşü IBF versiyası üzrə “Avropa kəməri”ni qazanmış ilk azərbaycanlı peşəkar boksçu Azad Əzizov (63,5 kq) keçirəcək. Gənc idmançı IBO “İnterkontinental kəmər” uğrunda gürcüstanlı Nuqzar Marqvelaşvili ilə qarşılaşacaq: “Biz 4-cü döyüşdən sonra Azadın rinqə çıxmasını planlaşdırırıq. Onun keçirəcəyi görüş qeyri-rəsmi xarakter daşıyacaq. “İnterkontinental kəmər” uğrunda döyüşlər rəsmi hesab olunmur”.

APBF prezidenti, həmçinin Əzizovun “Avropa kəməri”ni müdafiəsi döyüşünə də toxunub. Mayda Almaniyada bu titula layiq görülmüş boksçu reqlamentə əsasən, 6 ay ərzində kəməri müdafiə etməlidir. Lakin Bakıdakı peşəkar boks gecəsi planları dəyişib. Azad noyabradək “Avropa kəməri” titulunu müdafiəsi üçün döyüşə bilməyəcək. APBF rəhbərliyi beynəlxalq federasiyaya müraciət edərək, müdafiə döyüşünün bir qədər sonraya salınmasına nail olub.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”