Danimarkanın Herninq şəhərində keçirilən dünya çempionatında sərbəst güləşçilərin mübarizəsi başa çatıb. Apasport.az saytının xəbərinə görə, Azərbaycan yığması bu mötəbər yarışı komanda hesabında ikinci yerdə başa vurub.

48 xal toplayan millimiz yalnız Rusiyadan (63) geri qalıb. İran (40) üçüncü, Türkiyə dördüncü (27), Ukrayna (23) beşinci yeri tutub. Ümumilikdə, dünya çempionatına 49 ölkə qatılıb.

Qeyd edək ki, ölkəmiz yarışda 4 medal qazanıb. Finalda uduzan Xetaq Qazyumov (96 kq), Zəlimxan Hüseynov (60 kq), Çamsulvara Çamsulvarayev (74 kq) gümüş, Şərif Şərifov (84 kq) isə bürünclə kifayətlənib. Əli İsayev (120 kq), Namiq Sevdimov (55 kq) və Cəbrayıl Həsənov (66 kq) isə fəxri kürsüyə yüksələ bilməyib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”