Olimpiya çempionu Elnur Məmmədli Pekində qazandığı zəfərdən sonra uğursuzluq zolağından çıxa bilmir. Apasport.az saytının məlumatına görə, bir müddət əvvəl Yol Patrul Xidmətinə (YPX) baş inspektor vəzifəsinə təyin olunan idmançı bu postdan kənarlaşdırılıb. Cüdoçunun bu işdə fəaliyyətinin qısamüddətli olmasına dava-dalaşda iştirak etməsi səbəb olub. Polis iş yoldaşı ilə mübahisəsi davaya çevrilən Elnur idman fəndlərinə malik olmasından yararlanaraq, həmkarını yaxşıca əzişdirib və bu səbəbdən işsiz qalmalı olub.

Məmmədli özü isə həm həmkarı ilə dalaşması, həm də işdən azad olunmasını təkzib edir: “Belə bur şey olmayıb. Bu şayiədən artıq bir şey deyil. Bizim xalq hər şeyi şişirtməyi xoşlayır. Mən hələ də müxtəlif küçələrdə qoyulan videokameralardan məlumatların gəldiyi operator otağında işləyirəm. Bu iş də mənim üçün çox maraqlıdır”.

Mənbə: vesti.az

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”