Bu gün İtaliyanın A1 və A2 seriyalarında bədii gimnastika üzrə klub çempionatının ikinci mərhələsi olacaq. Apasport.az saytının məlumatına görə, yarışda Azərbaycanın ən yaxşı gimnastları Anna Qurbanova və Aliyə Qarayeva da iştirak edəcəklər. Anna Qurbanova A1 seriyasının əsas turnirində təmsil olunan “Komanse 1872” komandasının, Avropa çempionumuz Aliyə Qarayeva isə A2 turnirində mübarizə aparan “Ardor”un heyətində yer alıb.

Qeyd edək ki, birinci mərhələdə idmançılarımız iplə çıxış etmişdilər. Anna 26,075 bal toplamışdı. Bu, rəqib komanda “Petrassa 1877”nin tərkibində qüvvəsini sınayan rusiyalı olimpiya çempionu Yevgeniya Kanayevadan sonra ikinci nəticə idi. Aliyə 25,450 balla 3-cü yerdədir. Turnir cədvəlinə gəlincə, “Komanse 1872” hələlik 8-ci, “Ardor” isə 7-ci pillədədir. Çempionat 3 ilkin mərhələ və finaldan ibarətdir.

Mənbə: AzərTAc

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”