Dekabrın 26-da Kiyevdə mərhum prezident Heydər Əliyevin xatirəsi və Dünya Azərbaycanlılarının Həmrəylik günü münasibətilə yeniyetmə sərbəst güləşçilər arasında I Ümumukrayna turniri keçiriləcək. Apasport.az saytının xəbərinə görə, ölkəmizin Ukraynadakı səfirliyi, Ukraynada yaşayan azərbaycanlıların Konqresi və Ukrayna Milli Bədən Tərbiyəsi və İdman Universitetinin təşkilatçılığı ilə keçiriləcək yarışda milli komandamız da iştirak edəcək.

Azərbaycanı yarışda vitse-prezident Cavanşir Qurbanov, məşqçilər Vahid Məmmədov, Oqtay Hüseynov və Aslan Ağayevin rəhbərliyi ilə Arif Pənahov, Vurğun Əliyev, Rüfət Məmmədli (hər üçü - 38 kq), Məhəmməd Həsənzadə (42 kq), Məmmədhüseyn Həsənov (46 kq), Seyfəddin Şirəliyev (50 kq), Məhərrəm Kərimov (54 kq), Ramal Quliyev (58 kq) və Aqşin Məmmədov (85 kq) təmsil edəcəklər.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”