Azərbaycanın qadın otüstü hokkeyçilərdən ibarət yığması Almaniya ilə yoldaşlıq görüşü keçirəcək. Bu haqda apasport.az saytına Otüstü Hokkey Federasiyasının mətbuat katibi Yaqub Nuriyev məlumat verib. Onun sözlərinə görə, qarşılaşmanın bu il martın sonlarında təşkil olunması planlaşdırılıb.

Gələn ayın 3-cü ongünlüyündə Almaniyanın paytaxtı Berlinə yollanacaq Joa Hanqın yetirmələri orada təlim-məşq toplanışı keçəcəklər. Ardından yerli yığma ilə yoldaşlıq oyunu olacaq. Görüş milli komandamız üçün bu ilin aprelində Rusiyanın Kazan şəhərində keçiriləcək dünya çempionatının seçmə matçlarına hazırlıq xarakteri daşıyacaq.

Almanlarla yoldaşlıq oyunundan sonra, daha doğrusu 2-5 aprel aralığında yığmanın əsasını təşkil edən “Atasport” elə Berlində Avropa Klub Çempionları Kuboku uğrunda yarışda mübarizə aparacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”