Ağırlıqqaldırma üzrə yeniyetmələr, gənclər və böyüklərdən ibarət Azərbaycan milli komandalarının məşqçilər heyəti təsdiqlənib. Lent.az-ın məlumatına görə, əsas yığmamızdan uzaqlaşdırıldıqdan sonra gənclərdən ibarət millimizə rəhbərlik edəcəyi bildirilən Vahid Nəzərova “qapı göstərilib”.

Əsas yığmamızın baş məşqçisi qismində bolqarıstanlı mütəxəssis Yanko Rusev təsdiqlənib. Onun köməkçisi isə həmyerlisi İvan Xristovdur.

Gənclərdən ibarət yığmamız Xanlar Nəbiyevlə Azad Nurməmmədova tapşırılıb. Yeniyetmələrə isə ikiqat dünya çempionu Nizami Paşayevlə Maqsud Həsənov rəhbərlik edəcək.

Məlumatı Vahid Nəzərovun özü də təsdiqləyib. Lakin Nəzərov Lent.az-a açıqlamasında heç vaxt gənclərdən ibarət yığmamızın baş məşqçisi olmadığını söyləyib: “Məni əsas millinin baş məşqçi vəzifəsindən kənarlaşdırdıqdan sonra gənclərdən ibarət yığmaya rəhbərlik edəcəyimi deyirdilər. Halbuki, heç vaxt bu komandanın başında durmamışam. Bundan sonra fəaliyyətimi beynəlxalq dərəcəli hakim kimi davam etdirəcəyəm”

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”