FİDE-nin təşkil etdiyi Qran-Prinin son mərhələsi bu il mayın 9-dan 25-dək Rusiyanın Həştərxan şəhərində keçiriləcək. Apasport.az saytının məlumatına görə, yarışda Azərbaycanı 3 idmançı - Teymur Rəcəbov (2733), Vüqar Həşimov (2759) və Şəhriyar Məmmədyarov (2741) təmsil edəcək.

Qran-Priyə daha 11 zəka sahib qatılacaq. Həmvətənlərimizin rəqibləri Boris Qelfand (İsrail, 2761), Vasili İvançuk (Ukrayna, 2749), Van Yue (Çin, 2749), Pyotr Svidler (Rusiya, 2744), Peter Leko (Macarıstan, 2739), Ruslan Ponomaryov (Ukrayna, 2737), Pavel Elyanov (Ukrayna, 2736), Dmitri Yakovenko (Rusiya, 2730), Yevgeni Alekseyev (Rusiya, 2703), Vladimir Akopyan (Ermənistan, 2678) və Ernesto İnarkiyev (Rusiya, 2649) olacaq.

Qeyd edək ki, 5 mərhələdən sonra Rəcəbov 2-ci, Həşimov 5-ci, Məmmədyarov isə 10-cu yeri tutur. Reqlamentə əsasən, ilk iki pillədə qərarlaşacaq şahmatçılar Dünya Şahmat Tacına namizədlər arasına düşəcək.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”