Kanadanın Vankuver şəhərində keçirilən XXI Qış Olimpiya Oyunlarında növbəti qalmaqal qeydə alınıb. Apasport.az saytının məlumatına görə, 10 km məsafəyə yürüşdə qızıl medal qazanan İsveç xizəkçisi Şarlott Kalla xoşagəlməz hadisə ilə üzləşib.

Baş verənlərə üzülən 22 yaşlı idmançı yarışdan əvvəl başına gələnləri idman ictimaiyyətinə çatdırmağa qərar verib. Skandinaviyalı gözəlçə dopinq-testi verərkən WADA əməkdaşlarının ədalətsizliyi ilə üzləşdiyini bildirib. Şarlott analiz verəndə də ekspertlər bununla kifayətlənməyib. WADA nümayəndələri qarşılarındakı gözəl olimpiya çempionunun lüt soyunmasını tələb ediblər.

Buna isveçlinin paltarının altında başqasının sidiyi olan qab gəzdirdiyini və analizi də oradan verməsi ilə bağlı şübhələr səbəb olub. Yalnız xanım soyunduqdan sonra WADA əməkdaşları Şarlottun öz analizini verdiyinə əmin olub.

Soyunmağa məcbur olduğunu açıqlayan olimpiya çempionu yaşadıqlarına görə güclü stress keçirdiyini bildirib. Belə sarsıntıdan sonra Şarlott hətta psixoloqa müraciət etməyi lazım bilib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”