Fransanın Nitsa şəhərində keçirilən 19-cu “Amber” turniri yekunlaşıb. Apasport.az saytının məlumatına görə, Azərbaycan təmsilçisi Vüqar Həşimov yarışı orta sıralarda başa vurub. O, axırıncı turda rusiyalı Petr Svidlerlə görüşüb. Tərəflər arasında həm gözübağlı partiya, həm də sürətli şahmatda “sülh” qeydə alınıb.

Nəticədə Vüqar gözübağlı oyunda 5,5 xalla 12 iştirakçı arasında 6-8-ci yerləri bölüşdürüb. Sürətli şahmatda 6 xal toplayan həmvətənimiz 5-7-ci yerlərə şərik çıxıb. Ümumi hesabda da Həşimov 6-8-ci yerləri bölüşdürüb (11,5 xal).

“Amber” turnirinin qalibi hərəyə 14,5 xal toplamış norveçli Maqnus Karlsenlə ukraynalı Vasili İvançuk olub.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”