Belarusun paytaxtı Minskdə keçiriləcək ağır atletika üzrə Avropa çempionatında ədalət prinsiplərini qorumaq üçün Azərbaycanın yeganə beynəlxalq dərəcəli hakimi Vahid Nəzərova dəvət göndərilib. Bu haqda apasport.az saytına Nəzərov özü məlumat verib.

O, aprelin 1-də səfərə yollanacaq. Azərbaycan Ağır Atletika Federasiyasının I vitse-prezidenti olan Nəzərov öncə aprelin 3-də Avropa Ağır Atletika Federasiyasının Konqresində iştirak edəcək. Ertəsi günü isə qitə çempionatı start götürəcək. Bir həftə davam edəcək yarışda ölkəmizin şərəfini bolqarıstanlı baş məşqçi Yanko Rusevin rəhbərliyi altında 4 atlet - Zülfüqar Süleymanov (62 kq), Sərdar Həsənov (69 kq), Nizami Paşayev və Rövşən Fətullayev (hər ikisi 94 kq) qoruyacaq.

Xatırladaq ki, yığmamızın da baş məşqçisi işləmiş Vahid Nəzərovu ötən il bu il postda məhz Rusev əvəzləyib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”