Rusiyanın keçmiş prezidenti Vladimir Putinin Milli Olimpiya Komitəsinə (MOK) rəhbərlik etməsi müzakirə obyektinə çevrilib. Apasport.az saytının məlumatına görə, Vankuver Olimpiadasındakı uğursuz çıxışdan sonra MOK-dan istefa verən Leonid Tyaqaçov xələfi kimi Putini görmək istəyir.

Qurumun fəxri prezidenti Vitali Smirnov isə buna münasibət bildirərək, Azərbaycan modelini xatırladıb: “Azərbaycan və Belarus kimi ölkələrdə prezidentin MOK-a rəhbərlik etməsi təcrübəsi unikaldır. Lakin düşünmürəm ki, Putinin Olimpiya Komitəsinin işləri ilə məşğul olmağa vaxtı olsun. Düzdür, o enerjilidir və işləməyi sevən insandır. Amma bu həmin yol deyil. Təkcə fəal işləmək yox, həm də hər yerdə olmaq lazımdır.

Qeyd edək ki, Azərbaycan Milli Olimpiya Komitəsinin prezidenti dövlət başçısı İlham Əliyevdir. Belarusda da MOK-a ölkə rəhbəri Aleksandr Lukaşenko başçılıq edir.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”