İspaniyanın Valensiya şəhərində keçiriləcək ağır atletika üzrə Avropa birinciliyinə hazırlaşan Azərbaycan yığmasının heyəti aprelin 25-də açıqlanacaq. Bu barədə apasport.az saytına məlumat verən milli komandanın baş məşqçisi Nizamı Paşayev təlim-məşq toplanışının yüksək səviyyədə keçdiyini bildirib. Onun sözlərinə görə, hazırlıqlarda 12 atlet iştirak etsə də, sonda onlardan 8 ən güclüsü səfərə aparılacaq.

“Gəncə Olimpiya Kompleksində məşqlər uğurla keçir. Hazırda viza işlərini həll etmək üçün Bakıya gəlmişəm. Buna baxmayaraq, uşaqlar hazırlıqları davam etdirirlər. Ölkənin ən güclülərinin yer aldığı milliyə böyük ümidlər bəslənilir. İnanıram ki, bu komanda böyük nailiyyətlərə imza atacaq” – deyə Paşayev bildirib.

Qeyd edək ki, ağır atletika üzrə yeniyetmələr arasında Avropa birinciliyi mayın 16-22-si tarixində keçiriləcək.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”