İslandiyadakı vulkan püskürməsi Azərbaycan taekvondoçularının İspaniyada keçiriləcək beynəlxalq turnirdə iştirakına mane olub. Bu barədə apasport.az saytına milli komandanın baş məşqçisi Ələkbər İmaməliyev məlumat verib. Onun sözlərinə görə, təyyarə reysləri təxirə salındığından komanda səfərə yollanmayacaq.

İmaməliyev bildirib ki, beynəlxalq turnirə qatılmasalar da, təlim-məşq məşq toplanışı davam edəcək: “Avropa çempionatına hazırlıq davam edir. Beynəlxalq turnirə getmədiyimizdən, Qubada təlim-məşq toplanışının vaxtı uzadılıb. Belə ki, məşqləri aprelin 21-də sona çatdırmalı idik. Lakin bu müddət mayın 7-də başa çatacaq”.

Baş məşqçi həmçinin bildirib ki, komanda Avropa çempionatına qədər tam hazır olacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”