Paralimpiyaçı güllə atıcıları arasında Türkiyədə keçirilən Dünya kuboku başa çatıb. Apasport.az saytının məlumatına görə, 5 idmançı ilə qatıldığımız yarışda qazancımız 2 medal olub.

Snayperlərimizdən ən yaxşı nəticəni qadınlar arasında 10 metr məsafəyə pnevmatik tapançadan atəş açan Yelena Taranova əldə edib. O, dünya kubokunu ikinci yerdə başa vurub. Kişi atıcıların mübarizəsində isə Əkbər Muradov bürünc medalla kifayətlənib.

Qeyd edək ki, məşqçilər korpusunun fikrinə görə, yığmaya yeni cəlb edilən 18 yaşlı Kamran Zeynalov da ümidləri doğruldub. Gənc atıcı yarışı Əkbər Muradovdan sonra - dördüncü yerdə bitirib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”