“Şadam ki, yenidən doğma Azərbaycana gəlmişəm. Burada hər şey mənim üçün əzizdir”. Bu sözləri şahmat üzrə dünya yığmasının heyətində Bakıya gələn Emil Sutovski bildirib.

Azərbaycan şahmat məktəbinin yetirməsi olan Sutovski Bakını həmişə xatırladığını və paytaxtımızı çox sevdiyini qeyd edib: “Yarışın keçiriləcəyi “Park İnn” oteli mən yaşadığım evə və məktəbə çox yaxındır. Son vaxtlar Bakı çox gözəlləşib və dəyişib. Sevindirici haldır ki, Azərbaycanda bütün sahələrdə olduğu kimi, idmanda da intibah dövrü yaşanır. Bunun nəticəsi olaraq, perspektivli şahmatçılar da yetişir. “Prezident kuboku” isə Bakıda əsl mübarizəyə səhnə olacaq. İnanıram ki, oyunlar gərgin keçəcək və qələbə qazanmaq heç də asan olmayacaq”.

Xatırladaq ki, Bakıda anadan olan Sutovski 20 ildən çoxdur ki İsraildə yaşayır.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”