Mayın 14-də Belarusun paytaxtı Minskdə start götürəcək sambo üzrə Avropa çempionatı üçün Azərbaycan milli komandasının heyəti açıqlanıb. Bu haqda Lent.az-a yığmamızın baş məşqçisi Mübariz İbrahimov məlumat verib.

Onun sözlərinə görə, üç gün davam edəcək yarışda ölkəmiz 9 mümkün çəki dərəcəsindən 7-də təmsil olunacaq. Minskə samboçu qismində Əfqan Abdullayev (52 kq), İslam Qasımov (57 kq), Yaşar Abbasov (62 kq), Emin Həsənov (68 kq), Araz Muxtarov (74 kq), Zaur Paşayev (82 kq) və Samir Əhmədov (100 kq) yollanacaq. Beynəlxalq dərəcəli hakimlərimiz Yaqub Abdullayev və Cabir İsmayılov görüşləri idarə edəcəklər.

Azərbaycan Sambo Federasiyasının prezidenti Ceyhun Məmmədov isə Avropa Sambo Federasiyası İcraiyyə Komitəsinin üzvü kimi qurumun mayın 13-də keçiriləcək konqresində iştirak edəcək.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”