Rusiyanın Sankt-Peterburq şəhərində keçirilən Avropa çempionatında Azərbaycanın taekvondo yığması ilk medalını qazanıb. Lent.az-ın məlumatına görə, 74 kq çəki dərəcəsində çıxış edən Elvin Məmmədov bürünc medala sahib çıxıb.

Məmmədov əvvəlcə Roman Rusinovu (İsrail) mübarizədən kənarlaşdırıb – 9:2. Növbəti görüşündə o, Yuho Kostiayneni (Finlandiya) yenib – 7:5. ¼ finalda Davud Etminanini (Böyük Britaniya) 10:7 hesabı ilə məğlub edən taekvondoçumuzun qarşısını yarımfinalda Manuel Mark (Avstriya) kəsib – 9:4. Reqlamentə əsasən, 3-cü yer uğrunda görüş keçirilməyib. Beləliklə, Elvin Məmmədov digər yarımfinalda uduzan Mokdad Unislə (Almaniya) birgə bürünc medala sahib olub. Avropa çempionu adını isə finalda məhz Manuel Markı minimal hesabla yenən Rıdvan Bayqut (Türkiyə) qazanıb.

Digər təmsilçilərimizə gəldikdə, İlkin Şahbazov (80 kq) elə ilk görüşdəcə Nikolas Hemm Qarsiyaya (İspaniya) 0:1 hesabı ilə uduzaraq, mübarizəni dayandırıb. Günay Ağakişiyeva (62 kq) isə ilk görüşündə Kiriaki İoannunu (Kipr) 12:4 hesabı ilə yensə də, növbəti qarşılaşmasında Marqarita Mixayliduya (Yunanıstan) 7:15 hesabı ilə uduzaraq, medalsız qalıb.

Qeyd edək ki, qitə çempionatının ilk 2 günündə çıxış etmiş taekvondoçularımızdan Samir Aydınov (54 kq), Vasif Qurbanov (58 kq), Ziya Qasımov (63 kq), Fariz Əliyev (68 kq), Xəyalə Quliyeva (46 kq), Aygül Abdullayeva (49 kq), Arzu Bağırova (53 kq) və Seunqmi Li (57 kq) də eyni aqibətlə üzləşiblər. Mayın 15-də son iki medal ümidimiz Ramin Əzizov (87 kq) və Təvəkkül Bayramov (+87 kq) mübarizə aparacaq.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb