DÇ-2010-un iştirakçıları olan İngiltərə və Meksika yığmalarının yoldaşlıq görüşündən öncə maraqlı hadisə baş verib. Apasport.az saytının məlumatına görə, meksikalılar bir quşun “zibilinə düşərək” İngiltərədə baş tutan görüşə üç saat yubanmalı olub.

Məsələ ondadır ki, Xavyer Agirrenin baş məşqçisi olduğu yığma komandanı Almaniyanın Nürnberq şəhərindən Londona gətirən təyyarənin qabaq şüşəsinə quşun özünü çırpması nəticəsində gecikmə yaranıb. Bu xoşagəlməz olay ingilislərlə oyunun nəticəsinə təsir göstərib. Belə ki, Meksika yığması DÇ-2010-a son hazırlıq prosesi öncəsi Avropada keçirməli olan 4 yoldaşlıq görüşünün birincisində 1:3 hesabı ilə uduzub.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb