Dünya çempionatının final mərhələsinə hazırlaşan CAR yığması növbəti oyununu keçirib. Apasport.az saytının məlumatına görə, mundialın təşkilatçılarının Qvatemala ilə qarşılaşması afrikalılar üçün əlamətdar olub. Belə ki, Bafana-Bafananın kapitanı Aaron Mokoena yığmada 100-cü yubiley oyununu keçirib. 29 yaşlı futbolçu buna nail olan ilk CAR-lı kimi tarixə düşüb.

Qeyd edək ki, “Balta” ləqəbli müdafiəçinin bu göstəricisi Azərbaycan yığması üçün nümunə ola bilər. Çünki indiyədək yığmamızın heç bir oyunçusu 100 oyun həddinə çatmayıb. Hamıdan çox – 80 oyun keçirən Aslan Kərimov artıq karyerasının qürub çağlarını yaşayır. Yığma karyerasını davam etdirənlərdən isə “Balta”ya çatmağa ən real namizəd Rəşad Sadıqovdur. 28 yaşlı kapitanımız 60 dəfə milli forma geyinib.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb