Amerikanın Fart Benninq ştatında güllə atıcılığı üzrə keçirilən Dünya kuboku başa çatıb. Apasport.az saytının məlumatına görə, 10 metr məsafəyə atəş açmaqda 383 xalla 10-cu olan İradə Aşumova növbəti cəhdində də medal qazana bilməyib.

Bu dəfə 25 metr məsafədən hədəf önünə keçən Olimpiya mükafatçımız 13-cü yeri tutub. Fart Benninqdə ölkəmizin idman şərəfini qoruyan Aşumovanın oğlu Ruslan Lunyov da fəxri kürsüyə yüksələ bilməyib. 10 metr məsafəyə atəş açmaqda 14-cü olan təmsilçimiz növbəti sınaqlarında daha pis çıxış edib. Belə ki, 25 metr məsafədə mübarizə aparan idmançılar arasında 31-ci olan Lunyov 50 metr məsafədən də hədəfi dəqiq nişan ala bilməyib. O, yarışı 43 snayper arasında elə 43-cü yerdə də bitirib.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb