“Hakim səhvi oyunun taleyini həll etdi. Əgər ədalət təmsilçisi Lempardın vurduğu qolu hesaba alsa idi, qarşılaşma təmiz başqa məcraya yönələcəkdi. Təbii ki, bu səhvlər bir neçə dəfə təkrarlandı. Bu isə almanlar üçün əsl bayram oldu”. Apasport.az saytının məlumatına görə, bu sözləri dünya çempionatının 1/8 finalında Almaniyaya 1:4 hesabı ilə uduzan İngiltərə millisinin baş məşqçisi Fabio Kapello deyib.

İtaliyalı mütəxəssis bildirib ki, birinci hissədən fərqli, ikinci hissədə irəli atılan komandası qələbə də qazana bilərdi. Lakin yetirmələri əks-hücumlar zamanı mövqe səhvlərinə yol verdikləri üçün məğlub olublar: “İkinci hissədə qapı tiri və ya sonda dəqiqliyin çatmaması ziyanımıza işlədi. Bundan məharətlə istifadə edən almanlar isə əks-hücumlarda fərqləndilər”.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb