Çexiyanın Teplise şəhərində yeniyetmə oğlan və qızlar arasında start götürən cüdo üzrə Avropa çempionatına yekun vurulub. Apasport.az saytının məlumatına görə, yarışın son günündə tatamiyə çıxan idmançılarımız ümidləri doğrultmayıblar.

Belə ki, 81 kq çəki dərəcəsində mübarizə aparan Qurban Qurbanov ilk görüşdə gürcü Laşa Taveluriyə məğlub olub. Ən ağır çəki dərəcəsində qüvvəsini sınayan Adəm Ələsgərli (+90 kq) də komanda yoldaşının “uğurunu” təkrarlayıb. Almaniyalı Paul Elmlə döyüşdə rəqib qalib gələrək növbəti mərhələyə yüksəlib.

Qeyd edək ki, Avropa birinciliyinə 9 cüdoçu ilə qatılan yığmamız komanda hesabında da 9-cu olub. Həmyerlilərimizdən Mehman Sadıqov (50 kq) qızıl, Hüseyn Rəhimli (60 kq) bürünc medal qazanıblar. Komandamızın digər üzvləri Cəlil Cəlilov (66 kq), İsgəndər Talışinskiy (55 kq), Məhəmməd Hüseynov (73 kq), Aygün Məmmədova (48 kq) və Şəfəq Muradzadə (52 kq) isə məğlubiyyətlə yadda qalıblar.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb