“Həmişə milli komandamızın yaxşı nəticələr qazanmasını istəmişəm. İldən ilə irəli getmək lazımdır”. Bu sözləri apasport.az saytına açıqlamasında Ağdamın “Qarabağ” klubunun baş məşqçisi Qurban Qurbanov deyib.

Bu gün Avro-2012-nin seçmə qrup mərhələsi çərçivəsində ilk oyununu keçirəcək Azərbaycan yığması Kölndə Almaniya millisinin qonağı olacaq. Qarşılaşma ilə bağlı fikirlərini açıqlayan yığmanın sabiq kapitanı, hazırda isə baş məşqçi kimi çalışan Qurbanov komandamızın yaxşı oyun göstərəcəyinə ümid edir: “Almaniya yığması qrupun ən güclü komandasıdır. Berti Foqts Almaniya futboluna yaxşı bələddir və həmvətənlərini yaxşı tanıyır. O, heyət qurarkən, rəqibə qarşı taktiki gedişləri müəyyənləşdirərkən ən yaxşısını edəcəyinə inanıram. Çətin olsa da, yaxşı oyun nümayiş etdirəcəyimizə ümidimiz var”.

Qeyd edək ki, Qurbanov yığmamızın tarixində ən məhsuldar futbolçudur.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib