Almaniya yığmasının müdafiəçisi Per Mertezakerin Azərbaycan milli komandası ilə Avro-2012-nin seçmə mərhələ oyununda aldığı zədə ciddi olub.

Apasport.az saytının məlumatına görə, Bundestimin aparıcı futbolçusu görüşün 7-ci dəqiqəsində hücumçumuz Vaqif Cavadovun dirsəyi ilə sifətinə vurduğu zərbədən sonra oyunu davam etdirə bilməyib və xəstəxanaya aparılıb. Almaniya yığmasının baş məşqçisi Mertezakerin gözündə problemin olduğunu bildirib: “Perin sol gözünün altı yaralanıb. Tam şişən həmin gözü ilə demək olar ki, görmür. Mertezakerin oynadığı “Berder”ə Almaniya çempionatının növbəti turunda kömək edə biləcəyini bilmirəm”.

Qeyd edək ki, Mertezakeri əvəzləyən mərkəz müdafiəçi Hayko Vestermann 6:1 hesabı ilə qələbə qazandıqları oyunda hesabı açıb.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib