“Dünya çempionatı çox çətin keçəcək. Şəxsi yarışlarda Azərbaycan gimnastları əsas rəqiblərimizdəndir”. Apasport.az saytının məlumatına görə, bu sözləri Rusiya Gimnastika Federasiyasının prezidenti İrina Viner deyib.

Sentyabrın 20-də Rusiyada start götürəcək bədii gimnastika üzrə 30-cu mundialda 55 ölkədən 800-ə qədər idmançı mübarizə aparacaq. Viner bu gimnastlar arasında təmsilçimiz Aliyə Qarayevanı xüsusilə fərqləndirib. O bildirib ki, Moskvaya gələcək idmançılar arasında Qarayeva əla formadadır: “Azərbaycan gimnastı Aliyə Qarayeva son illərlə müqayisədə gözəl formadadır. O, Rusiyaya gələcək qızlar arasında ən güclülərdən hesab olunur və fəxri kürsüyə yüksəlməyə qadirdir. Qrup yarışlarında isə yığmamızın əsas rəqibləri sırasında İtaliya, Belarus və Yaponiyanın adını çəkmək olar”.

Qeyd edək ki, dünya çempionatında ölkəmizi şəxsi yarışlarda Aliyə Qarayeva, Anna Qurbanova, Samirə Mustafayeva, qrup yarışlarda isə Ceyla Quliyeva, Anastasiya Prasolova, Nigar Əbdüsəlimova, Ayelita Xələfova, Stefani Trayanova və Yevgeniya Jidkovadan ibarət yığmamız təmsil edəcək.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib