Peşəkar boksçumuz Əli İsmayılov sabah növbəti döyüşünə çıxacaq. Apasport.az saytının məlumatına görə, həmyerlimiz Asiya Peşəkar Boks Assosiasiyasının kəməri uğrunda Macarıstan təmsilçisi Jozef Nadla qarşılaşacaq.

Rusiyanın Murmansk şəhərinin Buz İdman Sarayında keçiriləcək döyüş İsmayılovun 18-ci sınağı olacaq. Bundan öncə 3 dəfə məğlub olan İsmayılov qələbə qazanacağı halda, “qurbanlarının” sayını 15-ə çatdıracaq.

Təmsilçimizdən fərqli, Nad daha təcrübəlidir. İndiyədək peşəkar boksda 22 görüş keçirən macarıstanlı bunların 6-da rinqi başıaşağı tərk edib.

Qeyd edək ki, “Bürünc Əli” qazandığı 14 qələbədən 12-də, Nad isə 16 qələbədən 15-də rəqibini nokauta salıb.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib