Azərbaycan milli komandasının Avstriya yığması ilə heç-heçə etməyinin sirri açılıb. Apasport.az saytının məlumatına görə, Avro-2012-nin seçmə mərhələsi çərçivəsində oktyabrın 8-də baş tutacaq qarşılaşmada Berti Foqtsun yetirmələrini qəbul edəcək avstriyalılar millimizlə əvvəlki görüşləri də unutmayıb. DÇ-2006-nın Bakıda keçirilən seçmə oyununda xal itirən mərkəzi avropalılar 2005-ci ilin payızındakı heç-heçəni kənar amillərlə bağlı olduğunu düşünür.

Belə ki, həmin matçı uğursuzluq kimi dəyərləndirən Avstriya mətbuatı həmin nəticənin təkrarlanacağına zəmin olmadığını fikirləşir: Həmin vaxt oyunun nəticəsi baş məşqçimiz Hans Krankl üçün həlledici oldu. O, Bakıdakı görüşdən sonra istefa verdi. Lakin həmin 0:0 hesablı nəticə heç də oyunun özü ilə bağlı deyildi. Belə ki, federasiyanın o vaxtkı prezidenti Fridrix Ştikler və baş məşqçi arasında ciddi problemlər var idi. Bu da komandaya mənfi təsir göstərirdi.

Qeyd edək ki, DÇ-2006-nın Avstriya ilə səfərdəki oyununda millimiz 0:2 hesabı ilə uduzmuşdu.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib