Azərbaycan Ağır Atletika Federasiyası (AAAF) milli komandamızın gürcüstanlı legioneri Tornike Kokaya ilə yollarını ayıb. Bu haqda Lent.az-a AAAF-ın icraçı direktoru İsgəndər Əsgərov məlumat verib.

Əsgərovun sözlərinə görə, 25 yaşlı atletin qovulmasına ötən ay Türkiyənin Antalya şəhərində keçirilmiş dünya çempionatında ümidləri doğrultmaması səbəb olub. 2012-ci il London Yay Olimpiya Oyunlarına lisenziya xarakterli nüfuzlu yarışda Kokaya 105 kq çəki dərəcəsində çıxış edib və 40 idmançı arasında 33-cü yeri tutub. O, iki hərəkətin cəmində 330 kq (birdən 145 kq, təkanla 185 kq) nəticə göstərib.

Qeyd edək ki, əvvəllər Gürcüstan yığmasında çıxış etmiş Tornike Kokaya komandamıza 2010-cu ilin fevralında cəlb olunub. Onun millimizdə debütü məhz dünya çempionatına təsadüf edib.

• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib