Rusiyanın Anapa şəhərində boks üzrə gənclər arasında Nikolay Pavlikovun xatirəsinə həsr olunmuş beynəlxalq turnirə yekun vurulub. Apasport.az saytının məlumatına görə, yarışda qüvvəsini sınayan Azərbaycan yığması vətənə 4 medalla qayıdıb.

Belə ki, idmançılarımızdan Rauf Rəhimov (75 kq) və Teymur Məmmədov (91 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Həlledici görüşdə Rəhimova uduzan Saqi Salehli (75 kq) turniri II pillədə başa vurub. Onunla yanaşı, Rəvan Əliyev (69 kq) də final görüşünə kimi uğurla irəliləsə də, son döyüşündə məğlub olduğundan gümüş medalla kifayətlənib.

Qeyd edək ki, 5 ölkənin 75 boksçusunun mübarizə apardığı turnirdə Azərbaycan yığması 2 qızıl və 2 gümüş medalla komanda hesabında Rusiyadan sonra II yeri tutub.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək