Rusiyalı idmançı Yevgeni Plyuşenko Beynəlxalq Konkisürənlər İttifaqının (İSU) keçirdiyi bütün yarışlardan müddətsiz kənarlaşdırılıb.

Lent.az-ın “İnterfax”a istinadən verdiyi məlumata görə, konkisürən bir daha dünya və Avropa çempionatlarında, ən əsası isə 2014-cü il Soçi Qış Olimpiya Oyunlarında iştirak edə bilməyəcək.

İSU Plyuşenkonu birbaşa direktivi pozması ilə əlaqədar uzaqlaşdırmaq istədiyini bildirərək, ona apellyasiya üçün vaxt verib. Lakin idmançı apellyasiya verməyib. 2010-cu ilin yazında ayağındakı zədəyə əsaslanan konkisürən İtaliyanın Turin şəhərində keçirilmiş dünya çempionatına qatılmayıb. Əvəzində o, “Buz kralları” adlı teleşouda çıxış edib. Halbuki zədəsinin tibbi araşdırması başa çatmayanadək Plyuşenkonun hər hansı yarışda iştirak hüququ olmayıb.

Qeyd edək ki, Plyuşenko “Eurovision-2008” Mahnı Müsabiqəsinin iştirakçısı olub və rusiyalı müğənni Dima Bilanın qalib gəlməsinə kömək edib. O, müğənni çıxış edən zaman səhnədə buz üzərində rəqs edib.

İdmançının qayıdışı üçün yeganə mümkün variant Yevgeni Plyuşenkonun idmana dönüşü barədə Rusiya Fiqurlu Konkisürmə Federasiyası tərəfindən məsələ qaldırılmasıdır.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək