Aprelin 14-də Pekində start götürəcək stend atıcılığı üzrə Dünya kubokunda iştirak edəcək Azərbaycan milli komandasının heyəti açıqlanıb. Apasport.az saytının məlumatına görə, London Olimpiadasına lisenziya verəcək yarışda yığmamızın 6 snayperi hədəf önünə keçəcək.

Belə ki, Hafiz Cəfərov Çində keçiriləcək yarışda olimpiya çempionumuz Zemfira Meftahəddinova, Nurlana Cəfərova, Regina Meftahəddinova, Emin Cəfərov (hamısı skit növündə), Elvin İsmayılov və Elçin Babayevə (hər ikisi trap növündə) şans verəcək.
Yarışa aprelin 29-da yekun vurulacaq.

Qeyd edək ki, Dünya kubokunda yalnız çempion olacaq idmançı London-2012-yə lisenziya qazanacaq.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək