Azərbaycanı su idmanı üzrə “Formula-1”də təmsil edən Yonas Anderson milli komandamızda çıxışını yekunlaşdırıb. Apasport.az saytının məlumatına görə, isveçli legioner yenidən öz ölkəsinə qayıtmağı üstün tutub.

Azərbaycan Motorlu Qayıqlar Federasiyasının təklifi ilə yığmamızın şərəfini qoruyan Andersonun bu ildən ölkəmizi təmsil etməyəcəyi müəyyənləşib. O, əvvəlki kimi yenidən İsveç milli komandasına qayıdıb. Artıq bu ölkənin bayrağı altında ilk yarışını keçirən Yonas dünya çempionatının ilk mərhələsindən sonra 16 idmançı arasında 5-ci pillədə qərarlaşıb.

Qeyd edək ki, 2010-cu ildə Anderson dünya çempionatında Azərbaycanın adından çıxış edərək, 9-cu yerə sahib olmuşdu.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək