“İlk 3 oyundan sonra hesabda geridə idim. Bunun üçün hesabda tarazlıq yaratmaq üçün riskli oynadım”. Apasport.az saytının məlumatına görə, bunu Azərbaycanlı qrossmeyster Şəhriyar Məmmədyarov deyib.

Kazanda dünya şahmat tacına iddiaçıların görüşündə 1/4 final mərhələsində Boris Gelfandla (İsrail) dueldən məğlub ayrılan zəka sahibimiz mərhələ adlaya bilməməsinin səbəblərini açıqlayıb: “Gelfanda qalib gəlməyə cəhd etdim və bu, çox çətin idi. Nəticədə rəqibim layiqli qələbə qazandı. Müxtəlif gedişlərə əl atsam da, heç nə alınmadı. Bunun da əsas səbəbi 6 aydır güclü turnirlərdə iştirak etməməyimdir. Hər şey bitsə də, dünya tacını qazanmağı yenə də arzulayıram”.

Qeyd edək ki, Məmmədyarov 4 oyunun yekununa görə Gelfanda 1,5:2,5 hesabı ilə uduzub.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək