Avro-2012-nin seçmə mərhələsində Azərbaycan milli komandasının rəqibi olan Almaniya yığması itki ilə üzləşib. Apasport.az saytının məlumatına görə, “Ştutqart” klubunun 30 yaşlı hücumçusu Kakau zədələnərək mövsümü bitirib.

Bundesliqanın “Bavariya” ilə son oyununu buraxacaq milliləşən braziliyalı ağrılardan yaxa qurtarmaq üçün əməliyyat olunmalıdır. Kakau həm də Almaniya yığmasının qarşıdakı 3 görüşünü buraxacaq. Həmin matçlardan biri iyunun 7-də Bakıda yığmamıza qarşı keçiriləcək.

Qeyd edək ki, Kakau Kölndə keçirilən Almaniya – Azərbaycan matçında (6:1) komandamızın qapısına vurulan son qolun müəllifidir.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır