“Sərhədçi” Atçılıq Mərkəzində start götürən atçılığın konkur növü üzrə CSI3*-W kateqoriyalı “Bahar Kuboku” beynəlxalq turnirdə ilk günün qalibi müəyyənləşib. Apasport.az saytının məlumatına görə, açılış yarışının (maneələrin maksimal hündürlüyü 145 sm) qalibi milli komandamızın lideri Camal Rəhimov olub.

O, “Vudi” ləqəbli atla qızıl medala sahib olub. Rəhimov, həmçinin “Bill Klinton” ləqəbli atla III yeri də tutub. Gümüş mükafat isə yığmamızın digər üzvü - Patrik MakEntiyə qismət olub.

Qeyd edək ki, Azərbaycan, Gürcüstan və Polşa çaparlarının qatıldığı turnirdə bu gün vaxta qarşı yarışlar (maneələrin maksimal hündürlüyü 145 sm), sabah isə Gran-pri final yarışları təşkil olunacaq (maneələrin maksimal hündürlüyü 140-160 sm). Turnirin ümumi mükafat fondu 156 min dollardır.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır