Mayın 24-də keçiriləcək NBC Bank Azərbaycan kubokunun "İnter" - "Xəzər Lənkəran" final oyununun biletləri sabahdan satışa çıxarılır. Apasport.az saytının məlumatına görə, biletləri matçın keçiriləcəyi Tofiq Bəhramov adına Respublika stadionunun kassalarından əldə etmək olar.

Onların qiyməti sektordan asılı olmayaraq 1 manatdır. Biletlərin sahibləri finaldan sonra azarkeşlər arasında keçiriləcək "Renault Logan" avtomobilinin və digər qiymətli hədiyyələrin oynanılacağı uduşlu lotereyada iştirak edəcək.

Saat 20:00-da başlayacaq final görüşündən öncə isə möhtəşəm şou-proqram təşkil olunacaq. Saat 18:30-da başlayacaq konsert proqramında Azərbaycanın estrada ulduzları – Manana və Röya, həmçinin reper Hüseyn Dərya və meyxana ustadları çıxış edəcəklər.
Qeyd edək ki, final oyunu üçün xüsusi video çarx hazırlanıb.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır