Avro-2012-nin seçmə mərhələsində Azərbaycan milli komandasının rəqibi olan Almaniya yığması yoldaşlıq oyunu keçirib. Apasport.az saytının məlumatına görə, iyunun 7-də millimizin qonağı olacaq Bundestim ötən ilki dünya çempionatının III yer uğrunda matçında olduğu kimi Uruqvayla qarşılaşıb.

İyunun 3-də Avstriya, 4 gün sonra isə Bakıda Avro-2012-nin seçmə oyununda meydana çıxacaq Yoahim Lövün yetirmələri səfər ərəfəsində Sinsheym şəhərindəki azarkeşlərini sevindirə bilib. Almaniyalılar cənubi amerikalılarla qarşılaşmanın taleyini ilk hissədə həll etməyə çalışıblar. Qomesin 20-ci, Şurrlenin 35-ci dəqiqədə vurduğu qollardan sonra Bundestim bu istəyə yaxınlaşıb.

Lakin fasilə bitən kimi Qarqanonun 48-ci dəqiqədəki qolu fərqin minimuma enməsi ilə nəticələnib. Bu qol uruqvaylıların asanlıqla təslim olmayacağına işarə idi. Lakin qonaqların bundan artığına gücü çatmayıb və Bundestim 2 oyunluq səfərə qələbə ilə çıxır.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır