Avro-2012-nin iyunun 4-də baş tutan seçmə oyunları Azərbaycan Premyer Liqasının təmsilçiləri üçün uğursuz olub. Apasport.az saytının məlumatına görə, Latviya milli komandasının İsraillə oyununda çempionatımızın 3 üzvü çıxış edib. “Bakı”nın baş məşqçisi Aleksandr Starkovun başçılıq etdiyi yığma öz meydanında 1:2 hesabı ilə uduzub. Bu matçda digər “latviyalılarımız” da iştirak edib. AZAL-ın müdafiəçisi Ritus Kryauklisin 90 dəqiqə oynadığı görüşdə “Qarabağ”ın üzvü Andrey Rubin yalnız son 19 dəqiqədə forma geyib.

Artıq “İnter”lə yollarını ayıran Filip Despotovski isə Makedoniya millisində məğlubiyyət acısı yaşayıb. O, komandasının İrlandiyaya evdə uduzmasının şahidi olub. Start heyətdə yer alan Filip 57 dəqiqə meydanda olub.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır