İyunun 11-12-də Estoniyanın paytaxtı Tallində keçiriləcək kişilər arasında Dünya Kubokunda iştirak edəcək Azərbaycan milli komandasının heyəti açıqlanıb. Apasport.az saytının məlumatına görə, London-2012-yə lisenziya xarakterli yarışda yığmamız baş məşqçi Ağayar Axundzadə və məşqçi Hacıağa Hacıəhmədovun rəhbərliyi altında 10 cüdoçu ilə mübarizə aparacaq.

Həmyerlilərimizdən Nicat Şıxəlizadə, İlqar Müşkiyev, Asim Xələfov (hər üçü 60 kq), Tərlan Kərimov, Rüstəm Orucov (hər ikisi 66 kq), Ramil Qasımov, Eldar Qasımov (hər ikisi 73 kq), Ramin Qurbanov (90 kq), Sain Məmmədov (100 kq) və Emil Tahirov (+100 kq) tatamiyə çıxacaqlar.

Qeyd edək ki, 2 gün davam edəcək yarışda 1-ci yer 100, 2-ci yer 60, 3-cü yeri tutan idmançı isə 40 lisenziya xalı qazanacaq.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır