Avro-2012-nin seçmə mərhələsi çərçivəsində Azərbaycan milli komandası ilə eyni qrupda yer alan Türkiyə yığması yoxlama oyunu üçün yeni rəqib tapıb. Apasport.az saytının məlumatına görə, “ay-ulduzlular” FİFA-nın beynəlxalq oyunlar üçün pəncərəsi çərçivəsində Estoniya futbolçuları ilə qarşılaşacaqlar.

Qus Hiddinkin yetirmələrinin Bakının “İnter” klubunda çıxış edən Dmitri Kruqlovun şərəfini qoruduğu Estoniya millisi ilə oyunu avqustun 10-da İstanbulda baş tutacaq.

Qeyd edək ki, Azərbaycan yığması da avqustun 10-da yoldaşlıq görüşü keçirəcək. Həmin gün futbolçularımız Bakıda makedoniyalı həmkarlarını sınağa çəkəcəklər.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır