“Qarabağ”ın sabiq futbolçusu, “Şkendiya”nın keçmiş baş məşqçisi Artim Şakiri Apasport.az saytına müsahibə verib.
- "Şkendiya" - "Qarabağ" oyunu ilə bağlı təəssüratınız necədir?
- Mənim üçün çoxlu epizodlarla dolu olan, yalnız bir qolla başa çatan yaxşı oyun oldu. "Qarabağ" topa nəzarət etməyə çalışsa da, "Şkendiya" öz keyfiyyətini nümayiş etdirdi. Onlar görüşün cəmi 0:1 bitməsinə səbəb oldu. Həm “Şkendiya”nın, həm də “Qarabağ”ın qapıçısı yüksək formada olduğunu göstərdi. Mənim üçün oyunun ən yaxşıları hər iki qapıçı idi.
- Hesab gözlənilməz oldu? Sizcə, “Şkendiya” FKSB klubuna qarşı daha yaxşı mübarizə aparıb?
- Oyun necə başladı? Düzünü desəm, erkən qoldan sonra hər iki komanda ifasında daha çox qol gözləyirdim. Amma dediyim kimi, qapıçılar daha çox qol vurulmasına imkan vermədilər. Ümumilikdə yaxşı oyun oldu.
- “Şkendiya" Bakıda geri dönüş edə bilər? Yoxsa “Qarabağ” yenə Bakıda qalib gələcək?
- İkinci oyunda “Şkendiya”nın itirəcəyi bir şey yoxdur. Onlar Bakıya qələbə qazanmaq məqsədilə gələcək. Futbolda hər şey mümkündür. Əminəm ki, Şimali Makedoniya təmsilçisi sona qədər mübarizə aparacaq.
- “Qarabağ” haqda fikirləriniz necədir?
- “Qarabağ”ın avrokuboklarda böyük təcrübəsi var. Artıq 12 ildir ki, qrup mərhələsində mübarizə aparırlar. Bu fakt özü çox şeyi göstərir. Təbii ki, bu, “Qarabağ” üçün böyük nailiyyətdir.
- Maraqlıdır, Qurban Qurbanov və ya “Qarabağ”dan kiminləsə görüşdünüz?
- Əslində, belə bir fikir var idi. Amma təəssüf ki, nə Qurban Qurbanovla, nə də başqa kiminləsə görüşə bilmədim. Evdə qalıb oyuna televizordan baxdım. Maraqlı və gərgin mübarizənin şahidi olduq.
Oxşar xəbərlər
Ana səhifə
Bütün xəbərlər