Azərbaycan Tennis və Padel Federasiyasının təşkilatçılığı ilə “Crocus Fitness Sea Breeze International Padel Cup” seriyasında ikinci turnirə yekun vurulub.

Apasport.az xəbər verir ki, Padel tennis üzrə beynəlxalq yarışın mükafatlandırma mərasimi keçirilib.

İtaliyadan olan Rikkardo Sinikropi və Culio Qraziotti cütü çempion olub. Onlar ispaniyalı idmançılardan Adrian Rodriqezlə Hektor Vaskesə qalib gəliblər – 6:7, 7:5 və 6:2.

Azərbaycanlı tennisçilər Tamerlan Əzizovla Yusif Rzayev isə 3-cü yer uğrunda dueldə millimizin digər üzvləri Rəsul Qocayev və Kənan Qasımova qalib gəliblər - 6:3, 6:4.

Tədbirdə Azərbaycan Tennis və Padel Federasiyasının vitse-prezidenti Mehman Qocayev turnirin əhəmiyyətini yüksək qiymətləndirib və medalçıları təbrik edib. Bildirib ki, turnirin əsas məqsədi Azərbaycanda padel idman növünün təbliğatı və beynəlxalq səviyyədə tanınmasıdır.

Qeyd edək ki, yarışda Azərbaycanla yanaşı, Türkiyə, Gürcüstan, Rusiya, İtaliya, İspaniya, Sudan, Yəmən və Portuqaliya idmançıları da iştirak ediblər.

• Zaur Əliyev: “Kürü keçək?!” yarışını gələcəkdə beynəlxalq səviyyədə təşkil etmək niyyətindəyik”
• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO