“Neftçi” Belarus millisinin hücumçusu Yeqor Boqomolskini transfer edib.

Apasport.az saytı xəbər verir ki, bu barədə belaruslu jurnalist Vladislav Tatur teleqram səhifəsi vasitəsilə məlumat yayıb.

O bildirib ki, 22 yaşlı forvardın karyerasını Azərbaycan klubunda davam etdirəcəyi artıq dəqiqləşib. Tatur qeyd edib ki, martda Boqomolski “Minsk”lə ilin sonuna qədər müqavilə imzalasa da, bu, bakılılar üçün problem yaratmayıb: “Azərbaycan klubu hücumçuya görə müqavilədə nəzərdə tutulan təzminatı ödəyəcək. Tezliklə tibbi müayinə və müqavilə imzalanacaq. Futbolçu artıq Azərbaycana uçub”.

Qeyd edək ki, Yeqor Boqomolski bu mövsüm Belarus çempionatında keçirdiyi 15 oyunda 8 qol vurub, 2 məhsuldar ötürmə verib. O, bu ildən Belarus millisinə çağırılır.
 

• Kamal Quliyevlə razılıq alınmadı – “Xankəndi” Röyal Nəcəfovu seçdi
• “Şamaxı”nın futbolçusu zədəsini sağaldıb - FƏRDİ MƏŞQLƏRƏ BAŞLAYIB
• II Liqa: V tura start verilib - YENİLƏNİB
• "Turan Tovuz" - "Fənərbaxça" oyunundan əldə olunacaq gəlir Qarabağ Dirçəliş Fonduna ianə ediləcək
• SOCAR ilə İtaliya Futbol Federasiyası arasında müqavilə imzalanıb