“Neftçi”də uzun illər oynamış Erik Fabian Ramos apasport.az saytına müsahibə verib.
- “Neftçi”nin durumu heç də ürəkaçan deyil. Komanda 7 turdan sonra 4 xalla 9-cu pillədədir. "Ağ-qaralar"ın hazırkı durumu kənardan necə görünür?
- “Neftçi” çox çətin vəziyyətdədir. Çempionata bu cür başlamaq turnirlə çox erkən vidalaşmaq deməkdir. Təəssüf ki, belə görünür. Hamımız bilirik ki, “Qarabağ”la xal fərqiniz 10-dan çox xala yüksəlirsə, çempionatın qalibi olmaq mümkün deyil. Hazırkı vəziyyət də çox ağır görünür. Necə olacaq, onu deyə bilmərəm.
- “Neftçi” son turda "Qarabağ"a 0:4 hesabı ilə uduzdu. Ümumiyyətlə, uzun illərdir ki, "Neftçi" "Qarabağ"ı məğlub edə bilmir. Heç bərabərlik də qeydə alınmır…
- Nəticə hər şeyi deyir də. 4:0 hesablı qələbə, “Qarabağ”la 10 xallıq fərq. Bu vəziyyətə baxanda, Azərbaycanın 2 ən önəmli klubu, son 10 ildə hər şeyi qazanan "Qarabağ" və uğura, şöhrətə gedən yolu tapa bilməyən "Neftçi" reallığını dərk edirsən. Həqiqətən, buna görə təəssüf edirəm.
- "Neftçi" yayda Roman Qriqorçuku baş məşqçi postuna dəvət etdi, çoxlu yeni transferlər gətirdi. Ancaq vəziyyət yenə də düzəlmir. Səncə, problem nə ola bilər? "Neftçi"ni bu durumdan kim və nə çıxara bilər?
- Problem indidə deyil, problem yeni baş məşqçi və ya yeni oyunçulara aid deyil. Problem illər əvvəldən qaynaqlanır, neçə məşqçi dəyişiblər? Futbolçular nə vaxt göndərilib? Mənim üçün problem bir layihənin olmaması və ya hörmət edilən, uzun illər itirdiyi və yaxşı iqtisadi resursları olan bir klub üçün heç nə qazana bilməyən bir prosesin olmamasıdır. Bu, tamamilə uğursuzluqdur.
- Sizin vaxtınızdakı "Neftçi"nin geri qayıtması üçün nə etmək lazımdır? Klub rəhbərliyi şərait yaradır, maliyyə ayırır, amma ortada heç nə yoxdur....
- Yuxarıda dediyim kimi, “yaxşı layihə və prosesə hörmət”. Məhz bu, komandanı pis vəziyyətdən yeganə çıxış yoludur. Onu edəcəklər, ya yox bilmirəm.
- Səncə, qarşıdakı turlarda da uğurlu nəticə olmasa, Roman Qriqorçuku baş məşqçi postundan göndərmək lazımdır?
- Klubun reallığı budur: 7 oyun, 4 xal. Məşqçilər korpusu və futbolçuların əldə etdiyi nəticədir. Klubun xeyrinə qərarlar verilməli olacaq. Rəhbərlik hansı qərarı verəcək, onu da görərik.
- Maraqlıdır ki, ukraynalı məşqçi hər şeyin daha yaxşı olacağını bildirir. Razısan? "Neftçi"nin oyununda irəliləyiş var?
- “Neftçi”nin oyunlarını izləyirəm. Oyunda irəliləyiş olub-olmadığını deyə bilmərəm. Amma reallıq var ki, “Neftçi” qalib gələ bilmir. Həm də 7 turdur qələbə yoxdur. Üstəlik, mövsümöncəsi oyunlar da var idi. Yəni deməyim odur ki, komanda çox oyun keçirib. Oyun sayının azlığından bəhanələr olmamalıdır. Ümid edək ki, hər şey yaxşı olar.
Oxşar xəbərlər
Ana səhifə
Bütün xəbərlər
Hesabım