Azərbaycan millisinin hücumçusu Mahir Emreli Xorvatiya Super Kuboku matçını buraxacaq.

Apasport.az saytının məlumatına görə, bunu Zaqreb təmsilçisinin baş məşqçisi Ante Çaçiç açıqlayıb.

Çalışdırıcı bildirib ki, sabah Split “Hayduk”u ilə keçiriləcək həlledici qarşılaşmada zədədən bir müddət əvvəl qayıdan Emreli iştirak etməyəcək. 25 yaşlı forvardla yanaşı, müdafiəçilər Boşko Şutalo, Yosip Şutalo və yarımmüdafiəçi Marko Bulat da qarşılaşmanın iştirak ərizəsinə salınmayacaq.

Qeyd edək ki, Zaqrebdəki “Maksimir” stadionunda keçiriləcək “Dinamo” – “Hayduk” matçı Bakı vaxtı ilə saat 22:00-da başlayacaq.

• "Qarabağ" və "Sabah"ın təxirə salınan oyunlarının tarixi açıqlanıb
• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib
• AFFA-nın təşkilatçılığı ilə skautinq mövzusunda seminar keçirilib
• Kamal Quliyevlə razılıq alınmadı – “Xankəndi” Röyal Nəcəfovu seçdi