Sabah təlim-məşq toplanışının ikinci mərhələsi üçün Türkiyəyə yollanacaq “Neftçi”nin yoxlama görüşündə üz-üzə gələcəyi bir rəqib müəyyənləşib.

Apasport.az saytının məlumatına görə, vitse-çempion qardaş ölkədə “Sakaryaspor”la qarşılaşacaq.

Yenicə TFF I liqasına yüksələn Sakarya təmsilçisi ilə qarşılaşma iyulun 6-da baş tutacaq. Bakı vaxtı ilə saat 17:00-da start götürəcək görüşün yeri hələlik məlum deyil.

İyulun 15-dək Boluda hazırlıq keçəcək “Neftçi” “The Sign Esentepe Hotel & Ski Center” otelində məskunlaşacaq. “Ağ-qaralar” orada daha 2 yoxlama görüşü keçirməyi planlaşdırır. 

Qeyd edək ki, “Neftçi” Konfrans Liqasının II təsnifat mərhələsində Kiprin “Aris” klubu ilə qarşılaşacaq. İlk oyun iyulun 21-də “AEK Arena”da, cavab matçı isə ayın 28-də “Bakcell Arena”da keçiriləcək.

• Canni İnfantino U-15 Dünya Çempionatına hazırlıq işlərinin gedişi ilə tanış olub - FOTOLAR
• “Qarabağ” – “Neftçi” matçının vaxtı açıqlandı – VIII turun cədvəli
• "Qarabağ" və "Sabah"ın təxirə salınan oyunlarının tarixi açıqlanıb
• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib