“Qarabağ” Azərbaycan çempionatlarında məğlubiyyətsiz oyunlar seriyasındakı rekordunu yeniləyib.

Apasport.az saytının məlumatına görə, Ağdam təmsilçisi artıq 31 matçdır ki, yenilgi üzü görmür.

Qurban Qurbanovun yetirmələri son olaraq dünən Misli Premyer Liqasının XII turunda səfərdə “Şamaxı”nı 4:0 hesabı ilə məğlub edib. Cari mövsüm keçirdiyi 11 matçın hamısında qələbə qazanan “Qarabağ” 2021/22 mövsümünün də son 20 görüşündə uduzmayıb.

Azərbaycan çempionunun son məğlubiyyəti 2021-ci il oktyabrın 25-nə təsadüf edib. Səfərdə “Səbail”ə 1:3 hesabı ilə uduzan bölgə təmsilçisinin artıq bir ildir ki, Premyer Liqada “biləyi bükülmür”. Komanda bu müddətdə 27 qələbə qazanıb, 4 heç-heçə edib. Seriya dövründə 94 qol vuran “Qarabağ” 16 top buraxıb.

XXI əsrdə Avropada ən uzun məğlubiyyətsizlik seriyası isə “Porto”ya məxsusdur. Portuqaliya klubu 2020-2022-ci illər aralığında 58 qarşılaşmada uduzmayıb.
 

• Bakıda “Formula 1” rekordu: XARİCİ QONAQLARIN SAYI 16 MİNİ KEÇDİ
• Baş Prokurorluqda İsgəndər Cavadovun 70 illik yubileyi qeyd olunub - FOTO
• Mahir Emreli azarkeşlərə səsləndi: “Gəlib bizi dəstəkləsinlər”
• “Qəbələ” iki yoxlama matçı keçirəcək - RƏSMİ
• Vüsal İsgəndərli: "Biz də istəyirik ki, qol vuraq, amma..."