Klubların dünya sıralaması müəyyənləşib.

Apasport.az saytının məlumatına görə, IFFHS-in açıqladığı reytinqdə Azərbaycanın yenə iki klubu yer alır.

303 klubun yer aldığı cədvəldə ölkəmizi “Qarabağ” və “Neftçi” təmsil edir. Mayda dünyanın ilk “100-lüy”ünə düşən “Qarabağ” 89-cu pillədəki mövqeyini qoruyub. Ağdam təmsilçisinin aktivində 141,5 xal var.

“Neftçi” isə 1 pillə irəliləyərək, 234-cü yerə yüksəlib. “Ağ-qaralar” 81 xala malikdir. Bakılılar “CSYD Atlas”la (Meksika) eyni yeri bölüşdürür.

Reytinqin zirvəsində dəyişiklik olmayıb. Braziliya klubu “Palmeyras” (322 xal) liderliyini qoruyub. İlk “üçlüy”ün digər sakinləri də Braziliya təmsilçiləridir. “Flamenqo” (301) və “Atletiko Mineyro” (293) bir addım irəliləyərək, müvafiq olaraq 2-3-cü pillələrdə qərarlaşıb.
 

• "Qarabağ" və "Sabah"ın təxirə salınan oyunlarının tarixi açıqlanıb
• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib
• AFFA-nın təşkilatçılığı ilə skautinq mövzusunda seminar keçirilib
• Kamal Quliyevlə razılıq alınmadı – “Xankəndi” Röyal Nəcəfovu seçdi