2022-2023-cü illər mövsümünün hazırlığını davam etdirən “Qəbələ” ilk yoxlama oyununu keçirib. 

Apasport.az saytının məlumatına görə, Türkiyənin Bolu şəhərində təlim-məşq toplanışında olan “qırmızı-qaralar” “Qaziantep”lə qarşılaşıb.

Qarşılıqlı hücumlarla keçən görüş erkən qolla başlayıb. Türkiyə klubu 7-ci dəqiqədə Papi Cilobocinin qolu ilə önə keçib. İkinci hissənin ortalarında Superliqa klubu Aleksandr Maksimin qolu ilə fərqi artırıb. Az sonra "Qəbələ" fərqlənib. Meydana sonradan çıxan Ülvi İsgəndərov baxımlı qola imza atıb. Görüşün sonunadək komandalar hücumlarını davam etdirsə də, hesab dəyişməyib - 1:2.

Yoxlama oyunu
“Qəbələ” – “Qaziantep” – 1:2
Ülvi İsgəndərov, 69 - Papi Ciloboci, 7, Aleksandr Maksim, 67

Qeyd edək ki, “Qəbələ” iyulun 12-də Rumıniyanın “Çiksereda” klubu ilə qarşılaşacaq.

• "Qarabağ" və "Sabah"ın təxirə salınan oyunlarının tarixi açıqlanıb
• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib
• AFFA-nın təşkilatçılığı ilə skautinq mövzusunda seminar keçirilib
• Kamal Quliyevlə razılıq alınmadı – “Xankəndi” Röyal Nəcəfovu seçdi